Profesionais do mar
O 8M celébrouse o Día da muller, para unirnos a esta visibilización do papel da muller na sociedade tivemos con nós esta semana a tres mulleres profesionais que teñen vinculación co mar. Na entrada da biblioteca xa tedes a exposición con libros de ficción e non ficción na que as mulleres e nenas son as protagonistas.
O EACE montou un mural no corredor de entrada ao centro.
Recordade que o ODS número 5 reclama a "Igualdade de xénero", unha igualdade real en todos os ámbitos da sociedade e na que haxa unha igualdade de oportunidades.
Ciclo de charlas na biblioteca:
Martes 8: Raquel Trillo Villar, titulada capitana e actualmente 3ª oficial de navegación.
Mércores 9: Belén, mariscadora de Camariñas.
Venres 11: Elsa Vázquez, bióloga mariña e profesora na universidade de Vigo, falará co alumnado sobre "O efecto do Cambio Climático no marisqueo a pé".
Comments